Plantun de Prouvènço

Pèr coumpara dos planto d'encò nostre

Valeriana rotundifolia & Mentha suaveolens

Valeriana rotundifolia

Caprifoliaceae Valerianaceae

Nom en français : Valériane à feuilles rondes.

Descripcioun :
Aquesto valeriano trachis dins li relarg ensouleia de mountagno souvènt sus d'esboudèu ounte fai tipicamen de mato denso. Coum'acò poudès la destria de Valeriana montana qu'èi procho. I'a peréu li fueio que soun un pau verdalo e en cor à la baso pèr Valeriana rotundifolia alor qu'èi pas lou cas pèr Valeriana montana. Valeriana tripteris tambèn ié sèmblo, fau bèn regarda li fueio de la cambo que soun proun diferènto, emé tres fueioun. Coumpara emé la valeriano-de-mountagno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Valeriana
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 800 à 2600 m
Aparado : Noun

Liò : Esboudèu - Roubino de mountagno - Marlo - Tepiero roucaiouso
Estànci : Mountagnard à Subaupen
Couroulougi : Ouroufito-Sud-Èst-Éuropenco
Ref. sc. : Valeriana rotundifolia Vill., 1787

Mentastre

Mentha suaveolens

Lamiaceae Labiaceae

Àutri noum : Baume-fèr, Mento-sóuvajo.

Noms en français : Menthe à feuilles rondes, Menthe odorante.

Descripcioun :
Lou mentastre es uno mento coumuno dins quàsi touto la Prouvènço. Se recounèis à sis lònguis espigo de flour blanco que viron au brun e peréu à si fueio quasimen redouno e goufrado.

Usanço :
Coume tóuti li mento, èi manjadis cru (ensalado, soupo, dessert, bevendo..) o en tisano. Ei counseia de pas trop faire caufa la tisano de mentastre que soun essènci èi voulatiéu. La mento èi vertuouso pèr digeri, sougna li plago e pèr faire fugi la tavaniho.